ماعذرته يالخفوق اللي لك الغفران عاده



************ رحلة الذنب بسموك ضيعت كل الهقاوي





وين ناوي ماسئلتك ويــــن يا كذبة مراده ؟؟



************ لاتقول انك على فرقا العنود اليوم ناوي





انت بس ارجع وهون والعن ابليس وشداده



************ ماخبرتك ماتدله لو تباطيت الحراوي





حب قلبك,, حب روحك ,,حب ماعاش بركاده



************ حب مجنون لجنونه حب ماقيل بحزاوي





اذكر الورد وجماله و الغزل بااحلى عناده



************ يوم تمدحها بـ بيت ٍٍ هز ذربات الغطاوي





والدلع شيد بـ أرمــ العشق مايسند عماده



************ والخجل باحلى سنينه في دجى ذا الليل ضاوي





والمشاعر يوم ثارت صوبها من دون قاده



************ وافتحت قلب ٍ طموحه صد هجمات الهواوي





اذكر انك ماتبي غير النصر والا الشهاده



************ يامشاعر كيف هان النصر في عين النداوي





ياورود القلب زادت خطوة ٍ فيها نقاده



************ مادريتي يالورود اليوم عن سر الخطاوي ؟؟





ماذكرتي قلب اعلن في مسراته حداده



************ يالورود اليوم والله مابعد هالحب هاوي





خبريها ياوروده دون تفصيل وزياده



************عن جفاف ٍ صار لونه من رجى غيمه سماوي





ماطولك صبر ٍ قضيته في رجا ملح الرماده



************ كحلت عينك بوصفه ,, من خرافات المداوي





ماتو اجدادك كرام ,, وماتو أكرام ٍ جداده



************ وانت ياقلبي كتب لك عيشة الحر الشقاوي

جميع الحقوق محفوظة لــ الشاعر علي الاحمد

http://www.ali-alahmad.com/