:



:





ياسيدي مريت بيتك وانكـسر مـزلاج بـاب



****************** في ليلي اللي مانسى حزنه مراسيم تعّبي





قلت اقتل الوحده بعين اللي يحس انه تراب



****************** وامشي معا همي ولو انه يلاحقني حبـّي





وسعت صدري لين ملتني تقاسيم الثيـاب



****************** واشعلت قلبي لين قام بحسبتي يلعب صبّي





والصاحب اللي سال من فمه على موتي لعاب



****************** الـلـه يرحمنـي لجـل عينـه ويكـرم مذهبـي





ياسيدي والطعنه اللي ادمعت عين الصواب



****************** ماهي رماح ٍ من عيون الغيد او بسمة ظبـي





طعنه تموت ابها وترتاح بحياتك من عذاب



****************** وطعنه تعيش ابها ولاكن بس تحس انك غبـي





لاالجو جوي لا ولا هذي بروقي والسحاب



****************** لا الوقت وقتي لا ولا هذي مسـاحة كوكبي





اعلنت في عز انتصاري كلمتين الانسحاب



******************* ماهي هزيمه وانت تعلم ياعلي وش مطلبي





انا بنـيـت الاحتـرام مـن الاسـاس ابنتصـاب



******************* يعني انا ماجيـت ادربحـها واقـول اني نبـي





انا بشر عادي ولكـن اكره اقنـعة الضباب



******************* من غيرما تنشد عن اهدافي وتسئل : وشـ تبي





ياسيدي والغربه اللـي ماتفسر بـ اغتـراب



******************* تعني بأنك عايش ٍ في خوف من نهب وسبي





لاصرت في دارك وكنك عايش ٍ في وسط غاب



******************* لالا تكـابر طـعـن ابن مـره بظـهـر التـغلبـي





لو الجبـيل تصـيح من مابي وتعـطيني جـواب



******************* ماكان طاحت من عيوني وارتحلت لـ بو ظبي







:

جميع الحقوق محفوظة لــ الشاعر علي الاحمد

http://www.ali-alahmad.com/