:



:



الحنين لشارع الحي وخياله ....... يسترد الشوق لـ ايام الطفوله





يوم كنا نشتكي هم البطاله ....... وكيف كنا نحلم بـ دور البطوله





وكيف نرمي بالحصى ذيك العماله ...... ونعتبر هالفعل من باب الرجوله





وكيف نضحك لاركضنا وبـعجاله ....... لجل مايغتاظ من همّــل نعوله





وكيف كنا نجتمع عند البقالــــه ...... ونجلس نخطط على مالانطوله





وكيف كنا نحتري العيد وهلاله ....... مانصوم ولكن نضج بوصوله :blush-anim-cl:





كنا اصدق من عرف روح الزماله ...... لـن اخوتنا تترجم مانقوله





كنا طهراً تفتخر فينا الاصاله ......... البراءه بيتها والصدق دوله





مانسولف في منى او عرض هاله ..... ولـ اعتزت خولهـ يـ كثر اخوان خوله





مانعرف الظلم .. من كثر العداله ...... لـن دنيتنا ابتسامتها خجوله





لو نجي للمدرسه كل ٍ لحاله ....... مايجي ( عـ البيت ) وجمعتنا مهوله





كنا نبكي من قرارات الازاله ....... كل ملعب نرسمه يعلن افوله





عشقنا \" كوره \" ونحلم بـ انتقاله....... فوق ذاك العشب نلعب عـ البطوله





ياهي ايام ٍ تنسيني العبالـــه ..... وتاخذ بفكري مع الاحلام جوله





ويش اقول ويش اخلي من دلاله ...... مابقى شيئاً من الممكن اقوله









قبل ما ..!





\" ريما \"





تحملني رساله !!







...... وتاخذ بقلبي بعد موته عموله ..!!





:

جميع الحقوق محفوظة لــ الشاعر علي الاحمد

http://www.ali-alahmad.com/