|
:
:
كذا مثل الظلام اللي شكى شرقه على غربه
******************** شكى باب ٍ على ضيف القصيد وضاق مفتاحه
خياله ماتعدى هلوسة مجنون في دربه
******************** خليط الضحك والبسمه يبان بصادق نياحه
قهر يستحقر السم الذي مدسوس بالحربه
******************** سخافه تمتعظ من طعنة ٍ تضحك على جراحه
سراب وغابت الواحه بعين عجاف هالقربه
******************** بعين عجاف هالـقربه سـراب وغابت الواحـه
بقى في شوكة الورده حنين الماي للتربه
******************** بقى في عطرها شوق ٍ على التمجيد وافراحه
اهازيج الوداع بطيرها الناشز على سربه
******************* يـترسـنها نـشـيد المـوت في موسـوعة اسـلاحه
صحيح ان الوطن ماله حنين الا مع الغربه
******************** يااول غربتـي واخـر وطـن لليل ومـراحـه
تعبت احاول انسى واستجد الفكر والطربه
******************** اسج احيان واذكر سجتي تستحضر ارواحه
حبيب الليل ,, لا تشره على مدحي بهالضربه
******************** ترى مـازان جـرح ٍ يالغـلا الا بـمداحـه
حبيب الليل ,, يادمعه تجي كربه ورى كربه
******************** تعبت اشره على ليل ٍ بكى يستنجد اشباحه
حبيبي .. مادريت بليلك المشغول في حربه ؟
******************** غدى مثل الفراشه .. غايته . موته . بمصباحه
:
:
|
