الشاعر علي الاحمد http://www.ali-alahmad.com/ :

:


مابيني وبين الخطأ والفسق وعيال الحرام
******** حزمة فلوس وتذكره وثياب من صوف ٍ ثقيل

ماني نبي ولاني بعالم ولاحتى امام
******** حي الله واحد تامره نفسه وياتيها ذليل

لا شك اخلاقي ترفعّني عن اشباح الظلام
******** اللي لهم في كل ليله حب واسرار وخليل

لني احب ومالي بنقص ٍ لـ قل الاحترام
******** مرتاح عاشق انتظر خلي ولو وصله قليل

احبها حب ٍ يحسسني بـ اني كل عام
******** اصغر من اللي قبله بعام ٍ وعمري له طويل

يـ والله اللي عشقها عشق ٍ يسولفّه الغمام
******** ويهل به وبل ٍ من احساسي ويجرف به مسيل

تجتاحني ماهي بـ ماموره ولا هي بـ انتقام
******** بنت ٍ خلقها الله تدلعني بـ لوعات وعويل

ياحلوها .. لا سلهمت بي والعذر قل الكلام
******** ماتدري انّـ عيونها قصه وقاريها هبيل

بنت ٍ افاخر في غلاها .. وادعي الله بـ القيام
******** اني اكون بكل مافيني لـ حاضرها حليل

بنت ٍ ولا به مثلها بنت ٍ تبادلني الهيام
******** وان كنت شاعر يشهد الله حبها اكبر جميل

بنتٍ وتدري انها عندي امل عاجل وهام
******** لو ماحصلي بـ احرق اشعار الغزل ثم استقيل

لا قلت انا : ( ياعيون قلبي ) قالت : اصلاً ماتلام
******** تموت فيني وانت عاشق والعّشق دمه ثقيل




وللحديث بقيه :)


: http://www.ali-alahmad.com/