الشاعر علي الاحمد http://www.ali-alahmad.com/ :

:


من رحلتي وانا كافل فـ بعدك يتيم

********** لانوى الأجر فيني ولاقويت اردعه


طفلاً امسى يدور عذر لـ ام ٍ عقيم

********** كل ثدي ٍ يوصل للجنون ارضعه


كان طفل ٍ يحبونه هله من قديم

********** كان عاشق وكنتي بكل شي ٍ معه


لو تنفس زفر من لوعة العشق غيم

********** لو تنهد بـ أسمك صاح من يسمعه


ماترك لك سوى دعوه لـ رب ٍ عليم

********** ودمعة ٍ وسط عينه مالقت بك سعه


واقترف بك خطأ فادح وذنب ٍ اثيم

********** واقترف بي جميل ٍ ماقدرت امنعه


وانتهى بك وهو بدرب المواجع اليم

********** مذنب ٍ دوم يردد : من يبيعك بعه


ماوصل لك وهو ناوي يعود سليم

********** ومارحل عنك الا وعزته مطمعه


صد عنك يتمتم بـ ابتسامة كريم

********** تارك ٍ لك بيّدك دبلته واصبعه


راح لكن تخيل طفل مثله يتيم

********** زج نفسه بقلبك ثم لقى مصرعه



: http://www.ali-alahmad.com/