الشاعر علي الاحمد http://www.ali-alahmad.com/ :

:

وين رايح .. توني ماقلت لك شي ٍ نويته
********** تو ماشفتك تعال اسمع ترانيم الاماني

مسئلة اني احبك شي ماعمري نسيته
********** لاكن الحظ الردي وياك ماعمره نساني

من فتحت بجيتك دفتر معاناتي وقريته
********** والاصابع كلها حولك تأشر لك اناني

بس قلي هالطريق اللي تأملت ومشيته
********** كيف يرضى بك تغني له علـ فراقي ثواني

وين ذاك اللي الا من جابوا الطاري فديته
********** ذاك ياللي لاسمع بيتين من شعري فداني

ان سكن قلبي من ايام الصبا فـ البيت بيته
********** وان سكنت بداخل اعماقه فلا شك بمكاني

اسهره في ذمة دموعي واذا عزم سريته
********** وان لحظ دمعي قبل مسراي لباني وجاني

كّن ماله غير صدري مرقداً يهنى مبيته
********** وان تلامسنا بـ اصباعنا تسولفنا الاغاني

اهـ مااقسى حرقة ٍ بالقلب لامني رثيته
********** واهــ مااقسى دمعة عيونه الا منه بكاني

واهـ من ضيق ٍ تبلاني وانا ماقد بليته
********** واهـ من قلباً يطاوعني واخرها عصاني

واهـ من جرحاً فضح سري وانا ظني رفيته
********** واهـ من ناس ٍ تبيع الورد من شح التهاني

ماتقصر كان عندي لك كلام ومالقيته
********** الف شكراً للكلام اللي بفرقاكم نساني

تدري اكثر شي بـ غيابك تمنيته ورجيته
********** شخص يسئلني عليك ولايقول انك اناني http://www.ali-alahmad.com/