الشاعر علي الاحمد http://www.ali-alahmad.com/ :

:

جيت احاول اكتبك قصه قصيره

*************** اكتشفت انك بلا حد ونهايه

يالزعيمه ..ياالرئيسه.. يالمديره

*************** ياارتباكي وسّط ميدان الرمايه

ياوجع دمع العيون المستديره

*************** يانصيب الصدق من كذب الدعايه

ماارتكبتك ذنب ياأحلى جريره

*************** ولانويت الا ارتكب فيك الهدايه

بعت لـ أجلك نصف سكان الجزيره

*************** ونصفها الاخر يحبونك معايه

اعذري سمعي واخلاقي الفقيره

*************** مالقيت بحضرتي احداً سوايه

كل حرفاً اكتبه بيدّك مصيره

*************** وكل حرفاً تنطقينه شبه أيه

ماقريتني وانا اشتاقك .. كبيره !!

*************** والا عذرك ماتعرفين القرايه

ماقريتي كيف انا اموووت غيره

*************** من دريت انك تحبين المرايه

شفتي والله كيف ! هالدنيا صغيره !

*************** علمتني كيف ماطالع ورايه

ليه اطالع من وراي واستشيره

*************** وانتي قدامي وانا لي فيك غايه

ليت انا فيكـ اقتل اللحظه المثيره

*************** وادفن افكاري ورى كلمة \" كفايه \"


: http://www.ali-alahmad.com/