الشاعر علي الاحمد http://www.ali-alahmad.com/ :

:

ياكـم وعيـنا بالخـيال وكم سهينا بالعـناا

***************** من سوء حظ العاقل اني بالجنون اكثر وعي


كل ابجديات الشعور استأذنت سور الفنا

***************** وكل المدامع وافيه ترقص على خد اوجعـي


من يوم ماحل القلم سفك الحبر فيني وانا

****************** مالوم ابو الداعي الا منه طغى علـ المدعي


جل التناقض حافر ٍ قبـره على درب الفـنا

******************* مـن دون مايـخذ عزا نـفـسه ولايكتب نعـي


ماكـنـه الافعـل امـر ٍ من قـسى وقـتك لـنا

******************** او كنه الا عذر ٍ اقبح مـن خـطاه المطبعـي


يوم التـذبذب حـالة ٍ فـيها تّرقـص با الغـنا

******************* حل الحرام ابدون رجم ولا طـواف ولاسعـي


حبيـبتي يالله وقـومي ارسـمي احـلى المنـا

******************* نـمـوت ماخــنا بـعـضـنا ارتـويـني واشـبعـي


انا بمصباحـك على طوعـك الى يـوم الفـنـا

******************* وانتي على كيفي كما الـخاتم يـزين اصبعـي


لصرت انا الروح بجسدك الطاهره كني ظنا

********************* لـو انـزعـو قلـبي ومـثل بـي وقـطع اربعـي


مااخـون حـبك.. مابـيعك لاخـلا منّـك وغـنا

********************** رغم الالم يبقى خيالك ( بنج ) همي الموضعي


لحترت في قلبي شـكيته لك ووضحت العنـا

********************** لاصرتي اقرب للفؤاد اللي شكاني لـ أضلعي


بس افهميني واكتبي صرخة حبيب ٍ لك بنا

******************** بيتين منه يوصـف بحاله معاكم واسمعي :


ساعه احس اني ملكت الكون اذا شفتك هنا

******************** وساعه احس اني انا هالكون اذا صرتي معي


يعني انا انـتي .. وانـتي ياعـنا عـمري انا

******************** بالمختصر انتو معي .. وانا معاكم اجمعــي http://www.ali-alahmad.com/