الشاعر علي الاحمد http://www.ali-alahmad.com/ :

:

عذرتك يازماني والعذر يسبح بـ قبح ذنـوب

********************* وانا ادري يابحر قبح الذنوب بـ جهل رباني


مسافر لا معي غير الخيال وصورة المحبـوب

********************* وضحكة اول ايام الغلا واشواق لـ احضانـي


ولكن شدني بعضي على كلي وانا في صوب

********************* يجي كلي على بعضي واذا قفيت نـادانـي


وعذري اني ازرّعه بفؤادي واحتسي من كوب

********************* ضما عشق ٍ فضح شوقي على بيبان جيراني


ومر العيد قبل انه يجـي فـ عيـون هالمنـكـوب

********************* وانا كنت احتري منـ هالشوارع طي عنواني


عذرته وانكسر ثلثين قلبي واستـشاظ الطـوب

********************* وقـلت اتـرك لي الثـلث الاخير يـدوس بنـيانـي


وجيت استسمح الثلج واذوب وقبل انا مااذوب

********************* رجيـته يسـكب دموعـي على مثـقاب نيـرانـي


يــ كل افكاري اللي تملكك غبن وشقا وعطوب

********************* على مايـشتهي قـلبـك خذاني لـيـن خلانـي !!


جسد من دون قلب ولامشاعر تاصلك وتجوب

********************* تـمـايـل لـك كـذا مابين هالمـطرق وسنـدانـي


يااعذب من همومي لافقدتك واستراح الثـوب

********************* بعد ماقد كـوّته ضـلـوعـي بنـيـران فـقـدانـي


تبي ترحل من احضان الخيال وظنك المطلوب !

********************* أوكد حـجز قـلبك لـلجـحيـم بـطابـع أنـسانـي !!


محال انساك وارحل قد ماتطري علي وتجوب

********************* ولكن لو حـصل فـي يـوم جيتك حـلم .. انـسانـي

:

: http://www.ali-alahmad.com/