الشاعر علي الاحمد http://www.ali-alahmad.com/ :

:



ذكرتك ياجفاف ٍ حرك اطرافي وانا غشيان

******************** تركني لاني بمثلي ولا خـلانـي بـطـوري


تركني لاقدرت اصعد هضاب الورد والريحان

******************** مخضب هالورق كله دمي لاشتاط تـنـوري


عليها لـ استعدينا انا والحزن كنا اخوان

******************** نخلي من حكياتـها خـيال وشـي ٍ اسطـوري


وش احكي لـ سئلتني طفلتي هالسيده هميان

********************* وش اقدر بس اقول اليا انشدتني : وينها الجوري!


وش اقدر غير انـ ـ ـافتح للفرح قدامها بـيـبـان

********************* واسّـكر كـل شـباكٍ يـطـل فـ بـاحـة قـبـوري


وش اقدر مع رباطة جـاشـي الا انـسكب حرمـان

********************* وادون مـااحـس ومـااشـوف بـطــابع ٍ ثـوري


لها الله (والـمـدامـع والسـواد ونـعـمة النـسيـان

********************* لنا و زيف المعيشه والحياة بشكلها الصوري)


ولهـا الجنه واغصان ٍ تـرفرف لجـلـها الجنـحـان

********************* ولنا هم السبـاق وكـذبة ٍ بـالـكـاس والـدوري


ولهـا العـفـه وطـهر ٍ ماطـمـث مـن انــس ولّـا جـان

********************* ولها ماتشتهي من حيث ماتامـر يجي فـوري


ولهـا قلبـي تـفـطر واشـعـرتـني كـمـ انا انـسـان

********************* بـدون انـي احـس ومادريــت ولاخـذت شـوري


وانا مـ الـلـه امرنـي غـير احبـه واعـشقـه وانهـان

********************** واخلي بعد ( بسم الله ) أسمه وسط دستوري


ويالجوري امانه لا شفعتي اذكري بااحسان

********************** فؤاد ٍ مابالاه الـلـه سـوى في عـشقه الجـوري

: http://www.ali-alahmad.com/