الشاعر علي الاحمد http://www.ali-alahmad.com/ :

:


جيتي كذا ..



تتمايلين ..



مره على عشب الصدر ..



ومره على رمش ٍ وعين ..



قصدك تشوفينك معي ..



ادري وحش عينك غلاك ...



وادري تباطيتي رجوعك



عن ربوعك ..



ايه ادري .. هو سؤال ٍ



حاير ٍ في شفتينك ..



ياترى انا ظنينك ..



ويش اقول ..



خلك بعينك لو ثواني تلحظين



وش فايدة ذيك العقول ..



انتي من الظلم العظيم اني احبك ..



ليت قلبي ماهو قلبي ..



وليت هالدنيا تحول



استري ذنّوب الظلوع الفادحه



مابقى منها يدفي برد ليلك



تذكرين الليل ويلك ..



ظلع .. ظلع ..



ظلع .. ظلع ..



احرقه لجل انت تدفى ..



واغرف ابيّدي رماد ظلوع صدري



ثم اكحل عين ليلك من رمادك ..



اهـــ وش خلى سوادك ..



من بياض ٍ يعتريني .. ينتخيني ..



قلتي امس .. وينه امس



يوم انا كاهن بصومعته اعتكف



تدري ليش ؟



لني بليلي عجزت القاك شمس ..



تنتشلني تحتويني ..



لاتهدد .. كان غبتي او حضرتي



ببقى احبك غصب عني ..



غصب عنك ..



بس خذيها مني كلمه ..



كله منك



لو اغيب ومااعود ..



اشربي كاس الضمير اللي يأنب



كان باقي به ضمير ٍ مستتر



بااقصى خفوقك ..



وكان باقي به حبيب ٍ منفصل او متصل ..



ساكن عروقك



اذكر انـ تقديره انت ..



او انا وانتي وأنت ..



اعربي كل الجمل في سطر واحد



خل جاحد .. خل جاحد .. خل جاحد



ارتضى كل المهونه



بس يبقى في عيونه ..



شخص ساجد ..



في ولاءه للخيانه ..



في سراديب الاهانه ..



ارفعي راسك وشوفي ..



خابرك انتي قويه ..



شامخه في كل موقف ..



اذكر انك تطلبيني يوم انا ابكي



ذات مره



تمسحين دموع عيني ..



حان وقتك يالله جفف ..



في مكاني بعد ماارحل ..



والا اقلك .. اجمعيها .. احفظيها



ذكرى حلوه ..



مثل مافسرتي معنى كل ذكرى



سابقه من ذكرياتك ..



يوم انا ريشه بمهب الريح



في اوسط حياتك



انتي قلتي هذا اخر شيء



مابيني وبينك



وانا قلت ..



هذا اول شيء تتمناه عينك


:

: http://www.ali-alahmad.com/