الشاعر علي الاحمد http://www.ali-alahmad.com/ :

:

جيت اشره بقلبي على قلبي وتفكير العقول

********************* اللي تقول ان الحزن شي ٍ نحسه من مدى


هذا انا واقف على سلسال همي ومغـّلــــول

********************* ولا لحظ حزني سوى حزن انتهابي ثم بدا


صدمة شعور ان الردا يكبر على كتف الاصول

********************* وان الاصول تموت من كثرة تعالي هالردا


وانــ ـ ـأعلم ان الظلم ظلمات القيامه والمثول

********************* لـكـن وما ربـي بظــّلام ٍ ولا يـجزي سـدى


قدت قميصي بنت فكري واعترى شعري ذهول

********************* وانا العفيف اللي تحصن في طريقه بالهدى


تـراكـمت فيـنـي قـبـيـلة اسئـله ترجـي حــلـول

********************* وتساقطت مني حـلـول ٍ مالقت رجع الصدى


لـ ن الذهب يصدا بعين الصاحب الغر الجهــــــول

********************* والا الذهـب لاوالـذي انشـاهـ ماعـمـره صـدا


والـورد لـولا زارعـيـن الـشـوك مـاصـابه ذبــول

********************* والحـّزن لـولا ناثرين الحـقد مافـيني اقتــدا


الـمـوت مـوت ولايفـرق بـيـن اطـفال وكـهــــول

********************* والجـرح هـيـن لاتسـبـب بـه مـسافـيـه العـدا


الموت ماهـو قبـر تدفـن بـه على ذيـك النـجـول

********************* المـوت طـّيـبٍ يـبـذرك شـيـمـه ويـنـبـتـبـك ردا


برحل لأني احـتـرم نـفـسـي و( ممنوع الدخول )

********************* واذا سـئـلوا عنـي خـروجـي لايـبـلـغـهـم غـدا


قـمة شعور الظـلم انك تـحتـرق عــرض ٍ وطــول

********************* واذا اشرهت عينك على قلبك تقول الـ هم ( فدى)

: http://www.ali-alahmad.com/