الشاعر علي الاحمد http://www.ali-alahmad.com/ :

:


يقولون الحزن لون السواد وريحة الكافور

************* وانا اقول الحزن رجل ٍ يموت بموقف ٍ دامي

احسبه والسنين اللي خذتني مانطقت بي زور

************* واثر كل السنين اللي حكت بي زورها ضامي

قبور ولاصرخت الا صدى يشهق بوسط قبور

************* يوقـّف شعر جسمي من سكون ٍ فجر الغامي

يامفلح من اناجي بالحزن دامك بدين الحور

************* ياعم افرح وخل الحزن ياكل مجمل احلامــــي

فقدتك والذي خصك بقلبي والشعور شعور

************* وصاحت هـ (الجبيل) واشحب (الدمام) قدامي

وجيت استسمح ( الساجي ) واقول العذر ( راس الزور)

************** ولااخـفـيــك انـي مـاكذبـتـه كـان الــزامــي

ولاادري وين اودي عذري اللي يعتريه قصور

************** على ظهر الورق والا اشيل العذر باقلامي

رحلت ولاحسبت حساب ناس ٍ من غلاك تثور

************** وربي لو تشوف اللي بكوك اتعض الابهامي

تعال وشوف احمد . شوف عبدالله معا منصور

************** تعال وشوفني ابكي وانا اضحك واشحذ الامي

تعال الا عسى الله لايردك غور عنا غووووور

*************** عسى الله مايردك من نعيم ٍ شوّق اعظامــي

تذكر يومنا طفلين نلعب خلـف ذاك الســور

*************** نقول اللي نبــيه وحلـمنا غــتره وهــندامـي

نسابق وقتنا واثر الزمن متربص ٍ بشرور

*************** وداع ايـامي ايامــك.. وداع ايـامك ايامــي

ياعل المزنه اللي غيثها ماينقطع ويـــــبور

*************** يبلل وبلها قبر ٍ يضـــــمك طول الاعوامـــي

ويجّعلك الشفيع لوالدينك عن حمى التنور

*************** بـ أسمك ياالاهــــي تغـــفر اثامـــه واثامـــي


: http://www.ali-alahmad.com/