الشاعر علي الاحمد http://www.ali-alahmad.com/ :

:


الشعــر وده يـقـاتلـني عـليـك

************ يا نمـوت ونـشـتقي او نحـتـفـل


شكلنا الاثنين والله نموت فيـك

************ شعر ٍ وشاعر ظهر نجمه وافـل


شاعر ٍ شعبي وبالفصحى ركيك

************ مـبـدأه واحـد وبـ افـكـاره قــفــل


دارس ٍ وضع المقرّد بالسكـيـك

************ وعـارف برستـيـجـه بـ أية لـفـل


ربـه الله .. والـوطـن بعـد الـملـيــك

************* وانتـي في قلبه بعد رب النـفـل


ياحـبـيـبي واللي يرحـم والـديـك

************* مانـي اللي لاانـثـنـى جفنه غـفـل


يعني وش فيها اذا قـلـنا نبـيـك ؟

************* ماتـبــيــنا انـت حـر وتـصـطـفـل


صدقيني ماانتظرتك .. كيف اجيك !

************** شرهتي لعبه وأحساسك طـفـل


اكـثـر انسان انـتـظر كلـمـة : ابـيـك

************* اكـثـر انـسـان ٍ على حـظـه تـفـل

: http://www.ali-alahmad.com/