الشاعر علي الاحمد http://www.ali-alahmad.com/ :

:

وين مارحت اتخيل طفلتي الحبوبه

*************** وين ماجيت اتذكر وحشتي وعتابي

طفلة ٍ ماهي سوى الا وردة ٍ مصبوبه

*************** في وسط قلبي تعيش وتلعب بااعصابي

طفلة ٍ كانت تناديني يا ( بابا اوبه )

*************** لين ماصارت تدغدغ مسمعي بـ يا ( بابي )

طفلة ٍ حلوه / شقيه / مترفه / لهلوبه

************** بارعه في اقتناصي من عظيم ااضرابـــي

كنها لا دقـــقت بي قـصـة ٍ مكتوبـه

***************** من اساطـير الـف ليله ولـيلة ٍ بـكتـابـي

تعجن الشوق وتلفه بالحـزن وتلـوبه

***************** كـن مالـلـه قـد امـرها غيـر تـتـحلابـي

طفله ٍ تكبح جماحي بالشعر وتجوبه

***************** كل مااطلب بوسة ٍ منها ترد بـ : مابي

كنت امثل لييييييين ماتضحك واقول اعجوبه

***************** قصدي امووه ولاابين عظيم اعجابي

والله الكحلي على هميان شق جيوبه

***************** واستحى الوردي من خدوده على العنابي

سامح الله . باربي / فله .. معا دبدوبه

***************** اشغلوها عن قصيدي ودمعتي بـ اهدابي

يوم انا في غربتي بـ اقصى شمال النوبه

**************** من كثر ماابكى ثيابه اشتكى دولابي

والله ان الحزن مااحبه ودوبي ودوبه

**************** وكل ماشفته أدبر ثم اعظ ثيابي

لين ماجاني اتصال ٍ حطني بغيبوبه

**************** لو سمحت ارجوك ممكن بس اكلم بابي


: http://www.ali-alahmad.com/