الشاعر علي الاحمد http://www.ali-alahmad.com/ :

:

يـ بواعترافي بالخطا افضح النور

*********************اخاف لاموت بظلامك حسافــــــــه

لاقلت لي حق ٍ ولاقلتلي زور

********************* كل الحكي ينسب لـ لحظة سخافه

اكبر غلط لاقلتلك احبك الدور

********************* وافدح خطا لا قلت شي وتخافه

مدري قهر فرقا او فراق مقهور

********************* اللي يسوق الشوق لـ أنسان تافه

اوّ الحطب في ذمة البرد مكسور

********************* او شب في نفسه وأحرق لحافــه

وانا افكر كيف ما كنت معذور

********************* وانا الذي ودعت نفسي بلطافــه

لـ أحساس راقي في تقاسيم طرطور

********************* يبدي احترافه للسكوت بـ لقافه

بالمرتبه الاولى فلا يسمع الشور

********************* ولايفكر باحتلال الوصافــــــــه

يابو خطاي البارح القول مأثور

********************* احترت فيينا من بيبدي اعترافه

منهو انا لو قلت للورد ناطور

********************* تعريف جاحد .. بس تجيك الاضافه

لاني بـ بطران ٍ ولاني بهامور

********************* مطنوخ طرق ولاعليا كلافــــــــه

اطلق مكان اصله واجيه وادور

********************* من دون مااصافح يدين الجلافه

احس فيني امسيه دون جمهور

********************* واحس فيني ضيف مـ احد استضافه

اشعر وكني بداخلي شيء مهجور

********************** كتاب مدري وش كتب في غلافه

فيني مدينه دون سكان وقبور

********************** البحر فيها لو يداعب ضفافــــــه

كني ارى فيني قصيده منـ شّهور

********************** قد اينعت ثم حان موسم قطافــه

لو قلتلي مغرور بـ اقول مغرور

********************** لـ ن الخرافه تعترف بالخرافــــه !!


: http://www.ali-alahmad.com/