الشاعر علي الاحمد http://www.ali-alahmad.com/ :

:


الحزن في بعض الاحيان مسودة حنين

**************** تسرقك عن واقع الموت بـ ايعاز القهر

ثم تفتح لك كتاب ٍ نسيته من سنيـــــن

**************** طفل يكشخ في شماغك وعمره كم شهر

كان يسرق له زقاره ويفلت من كمين

**************** وانت تدري بس تطوف وتضحك له جهر

لو تعلم ماتعلم بيبـــــــــقى لك مديــــن

**************** لين حس انك مثاله وفيكم انبهــــــــــــر

يسمع امه كل ليله بدمعات وانيـــــــن

***************** تدعي الله يحفظك من صواديف الدهر

تشعر ان الموت يعشقك من حين ٍ لـ حين

****************** عاشق وفيـ يديه باقه من ورود وزهر

كن مالك لاشبيه ٍ ولاغيرك ضنيــــــــــن

****************** وكن مالـ الطهر بعدك علاقه بالطهر

اعرفك من قبل اعرفك وانا توي جنين

****************** وافتخربك كثر كرهك لعشاق العهر

ياخي اقسم لك بربي انا ماني حزيـــــن

****************** بس مستغرب كذا تروح وتهدي للسهر

شخص يبني مركب ٍ له بلى شور ومعين

****************** لاسمع شور النواخذ ولا حوله نهر

عايش ٍ مابين ناس ٍ وابليس اللعيـــــــــن

****************** ذنب يطلق به ثلاث ٍ وذنب ٍ له مهر

ضحكتك ياللي فـ باله على مر السنيــن

******************* مـا فجعها غير قبرك ودمعه من قهر


: http://www.ali-alahmad.com/