الشاعر علي الاحمد http://www.ali-alahmad.com/ :

:


اطلقت فكري للضياع وضيقة البال

************* وحطيت رحلي وانتهض بي شخص محزون


وشبيت ضوي والزهاب اللي معي فال

************* وازريت ادور لي على تبغ ٍ وغليون


حتى لفاني من مضيق الصدر غربال

************* قلت اتنفس من قصيدي بضعة لحون


وين انت ياللي لاهياً عني ولازال

************* ماتشوف ربعي كلهم فيني يغنون


لي معك عمراً من بدا في شهر شوال

************* سلمت عقلي للقصيد وصرت مشطون


\" يرضيك اموت \" وراحتي بالعمر موال

************* كل مابديته انولد بي عشق وشجون


\" يرضيك اموت \" وجنتي قلب ٍ وسلسال

************* كل ماشريته ردني : للقاع مديون


وشلون..؟

انا اضحك.!

والهوى ..

والعشق قتال . !

************* وشلون اّنا ابكي دام مافي قلبي عيون !


وشلون اسولف للبحر واشكي على الجال

************* والبحر هايج والسما تمطرني قرون


ماخضت بحرك لو انا ماني بـ ( سردال )

************* وش فيك تسئل عن حبيبك منـّ هو يكون


للموت تهدي صاحبك مع كفن الاهمال

************* وللحب يهديك الفؤاد وقال: عربون


ضيعت قلبي شوفني مابين الاطلال

************* امر بابك واشتكي من قفل كيلون


ماهي بـ عاده اشتكي حظي اذا مال

************* ولاهو بطبعي اشتكي لك قلي : شلون ؟


ولاهو بـ ودي اعتذر للعم والخال

************* واقول \" **** \" ولعبت في قلب مجنون


لكن عسى الله يسعدك في كل الاحوال

************* رح وين ماودك واذا بالخاطر تخون


لو هي عصا موسى توّرث بين الاجيال

************* ان كان ماشفت بعيوني بنت فرعون ..!



: http://www.ali-alahmad.com/