الشاعر علي الاحمد http://www.ali-alahmad.com/ :

:

ضحكت اّمن القهر يالسيد المجنون
******** بكيت اّمن الفرح يالصادق الحساس

اجيلك من همومي والحزن مطعون
******** واعود منّك صدري يحبس الانفاس

جروحك مالها بـ خزنة شقاي ديون
******** فقير ولقمتي ونه وشربي ياس

ادور من عيوني للسهر ماعون
******** واصب الشوق من عضة شفاي بـ كاس

تضايقت وكتمت وقلت : علـ تهون
******** واثاري ضيقتي ديره وصمتي ناس

فقارى بـ جوعهم ماتوا ولايدرون
******** بـ ديره مابها غير القلق نوماس

من اول كنت اخاف ان العقيق يخون
******** اصابيع الوفا .. ثمـ يبكي االالماس

ويمطر من سحابة فكري المسكون
******** قصيد ٍ خالطه من روعته وسواس

على ذاك الحبيب الطاهر المصيون
******** على رمز العفاف المترف المياس

وانا اللي زارعه وسط الفؤاد (عّيون)
******** وعينت الضلوع لـ حضرته حراس

نبت بي وامتطا خيل الفراق بـ هون
******** ولافكر يودعني بـ حبة راس

يقولون الشجر شامخ واقول : شلون ؟
******** مدام انّ الشجر يرضخ لـ ضربة فاس..!

:

: http://www.ali-alahmad.com/