الشاعر علي الاحمد http://www.ali-alahmad.com/ :

:


استأذنك ..



بااموت انا كلي هنا ..



ممكن اموت ..؟؟



ارجوك لاتبخل علي ..



مازلت انا .. مازلت انا



في عزتي .. ابكي عليك



في حسرتي .. اصرخ ابيك ..



بس اعترف اني مسافر للابد ..



بضم طيفك في رحيلي معطفي



لجل الدفى ..



وباخذ معي سجادتي مع مصحفي ..



لحظة صفا ..



لكن تخيل كيف انا اقدر اموت !!



ولا حصل .. جرعة هلااااااااااااااك ..



باقي بداخل اضلعي ..



كتلة الم .. دم ولحم ..



ترجي سحايب مدمعي..



والله تموت .. لو هي تلامس اصبعي



لكن تضل ترجي ضماك ..



استسمحك ..



باقي على موعد رحيلي ساعتين ..



ارض المطار استأذنت كل الدروب ..



واستنكرت كل الذنوب ..



واستنفرت بي دمعتين ..



لااااااااااااااااااااااااااااااااااااا يالمطار ..



موتي هنا .. ماابي هناك



خل الدموع تنزل هنا ..



وش فايدة موتي معاك ؟



انا معك .. جسم ٍ بلا روح ونفس ..



لاترجع اتعيد الضجر او تعترض



خذني بقايا مرحله او افترض !



اني مع الموت ابتسم .. ..



يمكن ورق .. يمكن قلم ..



حـّب يتوادع مع سطر ..



ثم انتحر ..



لاتربط احزامي وشوف ..



كل الكراسي مُـثكله ..



كل النوافذ شاحبه ..



ملت اهازيج الفراق الصاخبه ..



كل ٍ رقص في جيتي ..



الا انت يادرب المطار ودمعتي ..



ودك تموت .. ادري تبي



وادري تحاول باصطناعك للبرود بحضرتي



تثبت لدمعات الفراق القاتله



انك غبي ..



ليتك غبي .. ليتي غبي


: http://www.ali-alahmad.com/